Thursday, September 5, 2013

ဆီးရီးယားအပေါ် ကုလအရေးယူမှု ရုရှားထောက်ခံဖို့ စဉ်းစားမည်

ဗွီအိုအေ (မြန်မာပိုင်း)   04.09.2013

ဆီးရီးယားအစိုးရတပ်တွေက အရပ်သားတွေအပေါ် ဓာတုလက်နက် အသုံးပြုတိုက်ခိုက်ခဲ့တယ်ဆိုတာကို
သက်သေပြနိုင်ရင် ဆီးရီးယားကို စစ်ရေးအရ အရေးယူဖို့ ကုလသမဂ္ဂက ဆုံးဖြတ်ချက်ကို မထောက်ခံဘူးလို့

သူ့အနေနဲ့ မပြောပါဘူးလို့ ရုရှား သမ္မတ ဗလာဒီမီယာ ပူတင် (Vladimir Putin) က ပြောလိုက်ပါတယ်။
 အမေရိကန် ပြည်ထောင်စုအနေနဲ့ သံသယဖြစ်ဖွယ်မရှိ ခိုင်မာတဲ့ အထောက်အထားတွေ ကုလသမဂ္ဂကို
တင်ပြသင့်တယ်လို့ AP သတင်းဌာနနဲ့ ရုရှားရုပ်သံသတင်းဌာနတို့ကို သူက ပြောခဲ့ပါတယ်။ ကုလသမဂ္ဂရဲ့
အတည်ပြုချက် မပါဘဲ အမေရိကန်က စစ်ရေးအရ အရေးယူမယ့်အပေါ်ကိုလည်း မစ္စတာ ပူတင် က သတိပေး
 ပြောဆိုခဲ့ပါတယ်။ S-300 မြေပြင်ကနေ ဝေဟင်ပစ် ဒုံးကျည်အစိတ်အပိုင်းတွေ ဆီးရီးယားနိုင်ငံဆီ ပေးပို့တာကို
ဆိုင်းငံ့ထားပြီလို့ မစ္စတာပူတင်က ပြောပေမဲ့လည်း နိုင်ငံတကာ ပြဌာန်းချက်တွေကို ချိုးဖောက်တဲ့ လုပ်ရပ်တွေ
ရှိလာမယ်ဆိုရင်တော့ ထပ်စဉ်းစားမယ်လို့ ပြောပါတယ်။
        ဒီသီတင်းပတ်အတွင်း ကျင်းပမယ့် အဓိက စီးပွားရေးနိုင်ငံများရဲ့ G-20 ထိပ်သီးအစည်းအဝေးကို
St. Petersburg မြို့မှာ ရုရှားနိုင်ငံက အိမ်ရှင်အဖြစ် လက်ခံကျင်းပမှာပါ။ ဆီးရီးယားအရေးဟာ အဲဒီအစည်း
အဝေးမှာ ထိပ်တန်းအစီအစဉ်တစ်ခု ဖြစ်မယ်လို့ ခန့်မှန်းကြပါတယ်။ ဆီးရီးယားကို အရေးယူတဲ့နေရာမှာ
 ပြည်တွင်းပြည်ပ ထောက်ခံမှုတွေရဖို့ အမေရိကန်သမ္မတ ဘရက်ခ် အိုဘားမား (Barack Obama)
က ကြိုးစားနေပါတယ်။

Post a Comment