လူမှုကွန်ရက်နှင့် မျိုးဆက်သစ်ပြဿနာ

Facebook တစ်ကမ္ဘာလုံး အသုံးပြုနေကြသည့် လူဦးရေ စုစုပေါင်းမှာ ၂၀၁၃ ခုနှစ် မတ်လစာရင်းအရ ၁ ဒသမ ၁၁ ဘီလီယံ (သန်း ၁၁၀၀) ရှိသွားပြီ ဖြစ်သည်။ ထိုအထဲတွင် အမေရိကန်ပြည်ထောင်စု၌ အသုံးပြုသူပေါင်း ၁၆၈ ဒသမ ၈ သန်း၊ ဘရာဇီးလ်နိုင်ငံတွင် အသုံးပြုသူပေါင်း ၆၄ ဒသမ ၆ သန်း၊ အိန္ဒိယနိုင်ငံတွင် အသုံးပြုသူပေါင်း ၆၂ ဒသမ ၆ သန်း၊ အင်ဒိုနီးရှားနိုင်ငံတွင် အသုံးပြုသူပေါင်း ၅၁ ဒသမ ၄ သန်းနှင့် မက္ကဆီကို နိုင်ငံတွင် အသုံးပြုသူပေါင်း ၄၀ ဒသမ ၂ သန်း ရှိနေသည်ကလည်း အံသြစရာ ဖြစ်သည်။


Facebook မျိုးဆက်
Facebook ကို ဆိုရှယ်ကွန်ရက်၊ လူမှုကွန်ရက်ဟု အမျိုးမျိုး ခေါင်းစဉ်တပ်ကြသည်။ မည်သို့ဆိုစေ Facebook ဆိုသည့် အွန်လိုင်းမှတ်တမ်း စာအုပ်ကြီးတစ်ခုအတွင်း စာရင်းဖွင့်ကာ၊ မိတ်ဆွေရှာပြီး၊ ချစ်ခြင်း မုန်းခြင်းများကို အလုံးအရင်းနှင့် အငမ်းမရ တမ်းတရှာဖွေ၊ ဝင်ရောက် ဆွေးနွေးသည့် နေရာတစ်နေဟုသာ အလွယ်ဆုံး အဓိပ္ပာယ် ဖွင့်ဆိုရပေလိမ့်မည်။
ထိုနေရာတွင် တစ်ဦးနှင့်တစ်ဦး အပြန်အလှန် ဆက်သွယ်နိုင်ကြသည်။ မိတ်ဆွေ အပေါင်းအသင်း ဖြစ်နိုင်ကြသည်။ စာတိုစာရှည်တွေ ရေးပို့နိုင်ကြသည်။ ဓာတ်ပုံ၊ ဆက်သွယ်နိုင်မည့် (Link)၊ ဗီဒီယိုမှတ်တမ်းများ ပေးပို့နိုင်ကြသည်။ ထိုကဲ့သို့ ကျယ်ပြန့်လှသည့် မီဒီယာတစ်ခုကို ကြားခံပြုပြီး လွတ်လပ်စွာ စားသုံးကြသည့် အုပ်စုများကို မျိုးဆက်သစ် Facebook လူတန်းစားများဟု ခေါ်ဆိုရမည် ဖြစ်သည်။ ထိုမျိုးဆက်သည် တစ်နေကုန်နီးပါး Facebook ပေါ်တွင် နေထိုင်ကြသည်။ မိမိတို့ တုံ့ပြန်လိုက်မှု တစ်ခုခုကို မည်သူတွေက မည်သို့တုံ့ပြန်မည်ကို စောင့်ကြည့်ကြသည်။ ယင်းသို့ ပေးခြင်း၊ ယူခြင်း၊ မျှော်လင့်ခြင်းကပင် သူတို့အတွက် စိတ်ဝေဒနာတစ်ခု ဖြစ်လာကြောင်းကို သိသူနည်းသည်။
 
စွဲလမ်းမှုဝေဒနာ
ကိုယ်ပေးလိုက်သည့် သတင်းတစ်ခုခု သို့မဟုတ် အကြောင်းအရာ တစ်ခုခုအတွက် တုံ့ပြန်ချက် (Facebook) ကို စောင့်မျှော်နေခြင်းသည် မျိုးဆက်သစ်တို့အတွက် စွဲလမ်းမှု ဝေဒနာတစ်ခုဟု ဆိုရမည်။ ထိုစွဲလမ်းစိတ်ကလည်း အတိုင်းအတာကာလ ခဏလေးသာ ဖြစ်သည်။ တစ်ခုခုရလိုက်လျှင် စိတ်ဆိုးခြင်း၊ ပျော်ရွှင်ခြင်း၊ စိတ်ပျက်ခြင်း၊ ဒေါသထွက်ခြင်း စသည့်တစ်မျိုးမျိုးကို ခံစားလိုက်ပြီး မေ့ဖျောက်မည်၊ နောက်အသစ်တစ်ခု ထပ်မံမွေးဖွားမည်။ ယင်းကို Facebook ထဲက ရုန်းမထွက်နိုင်သည့် သံသရာဟုလည်း ပြောနိုင်သည်။ မည်သို့ဆိုစေ တုံ့ပြန်ချက်သည်သာ သူတို့အတွက် အဖြေဖြစ်သည်။ ထိုသို့မျှော်လင့်စောင့်စားရသည့် ဝေဒနာကို ကောင်းသောအဖြေဟု ပညာရှင်များက မသတ်မှတ်ကြပေ။ ထိုဝေဒနာကို ကုစားခြင်းသည် ဝဲသြဃအတွင်းက ရုန်းထွက်လိုက်ခြင်းသာ ဖြစ်သည်။
 
စိတ်ထိခိုက်ခံစားလွယ်မျိုးဆက်
Facebook ပေါ်တွင် အချင်းချင်းမိတ်ဖွဲ့ပြီး ဂိမ်းကစားနိုင်သည်။ ကွန်ပျူတာဂိမ်း ကစားခြင်းသည် အထိုက်အလျောက် ကောင်းနိုင်သော်လည်း လွန်ကျူးစွာ စွဲလမ်းခြင်းကတော့ မကောင်းဟု ပြောရမည်။ မျိုးဆက်သစ်တို့သည် ကွန်ပျူတာဆိုသည့် နည်းပညာ ပေါ်လာချိန်တွင် ပိုပြီးအထီးကျန်ဆန်လာကြသည်။ သူတို့သည် Facebook လောက်ကိုသာ လူမှုဝန်းကျင်တစ်ခုဟု ထင်မှတ်ကြသည်။ အမှန်တော့ လူ့ဘောင်လောကကြီးက ပိုပြီးကျယ်ဝန်း နက်ရှိုင်းသည်။ ကွန်ပျူတာနှင့် ဂိမ်းတစ်ခု အပေါ်တွင်သာ အာရုံဝင်စားနေသော လူငယ်တစ်ယောက်သည် ပတ်ဝန်းကျင်ကို လျစ်လျူရှုတတ်သည့်စိတ်များ လွန်ကဲလာစေနိုင်သည်။ ဂိမ်းစွဲလမ်းစွာ ကစားခြင်း ကြောင့် တစ်ဦးနှင့်တစ်ဦး အပြန်အလှန် စကားပြောဆိုရမှု၊ ဆက်ဆံရမှုများတွင် စိုးရွံ့စိတ်များ၊ ကြောက်ရွံ့စိတ်များ၊ အားငယ်စိတ်များ ဝင်လာတတ်သည်။ တစ်နည်းအားဖြင့် လူထဲတွင် လူစကားမပြောတတ်သလောက် ဖြစ်လာကြသည်။ ထို့ပြင် တစ်ဦးနှင့်တစ်ဦး မျက်နှာချင်း ဆိုင်တွေ့ရာတွင် မျက်နှာကိုပင် စေ့စေ့ကြည့်ပြီး မပြောရဲ မဆိုရဲခြင်းသည် အထီးကျန်စွာ နေခြင်းနှင့် အာရုံစူးစိုက်ခြင်းစသည့် အကျင့်အနေအထိုင်များပေါ်တွင် မှီတည်နေသည်။ ထိုစိတ်ဓာတ်သည် စိတ်ထိခိုက်လွယ်သည့် ပျော့ညံ့သောစိတ်ကို ဖြစ်စေနိုင်သည်။ အကောင်းစိတ်မဟုတ်၊ အဆိုးစိတ်သာ ဖြစ်သည်။
 
Facebook ရောဂါလက္ခဏာများ
- တစ်နေကုန် Facebook ထဲတွင် အချိန်ကုန်နေပါသလား
- အခြားအလုပ်များကို မလုပ်ချင်မကိုင်ချင် လောက်အောင် ဖြစ်နေပါသလား
- လက်တွေ့ဘဝထက် Facebook ထဲတွင်သာ အချိန်ဖြုန်းမှု များနေပါသလား
အဖြေသည် ‘ဟုတ်’ ဖြစ်နေလျှင် Facebook စွဲဝေဒနာကို ကျိန်းသေခံစားနေရပြီဟုသာ ဆိုရမည်။ ထို့ပြင် စွဲ၊ မစွဲ အောက်ပါအချက်များဖြင့်လည်း ဆန်းစစ်နိုင်သည်။
- နေ့စဉ် Facebook ကို စစ်ဆေးရခြင်းသည် နေ့တစ်နေ့၏ ပထမဆုံးနှင့် နောက်ဆုံးအလုပ် ဖြစ်နေသည်။ မနက်အိပ်ယာက နိုးသည်နှင့် ကွန်ပျူတာ သို့မဟုတ် အခြားဆက်သွယ်နိုင်သော ပစ္စည်းတစ်ခုခုကို ဖွင့်လိုက်ပြီး ပထမဦးဆုံး ဝင်ကြည့်သည်မှာ Facebook ဖြစ်နေမည်။ အိပ်ယာမဝင်မီ သို့မဟုတ် အိပ်ရာကထပြီး တစ်ရေးနိုးလျှင် Facebook ကို ဝင်ချင်သည်။
- Facebook ကြောင့် အလုပ်ကို မလုပ်ချင်၊ တာဝန်တွေကို ပစ်ထားသည်။ အလုပ်က စိတ်ကိုဖိစီးပြီး Facebook က စိတ်ပြေလက်ပျောက် ရှိသည်ဟု ထင်သည်။ အလုပ်တွေ မပြီးရခြင်းမှာ Facebook တွင် အချိန်ကုန်မှု များနေသောကြောင့် ဖြစ်သည်။
- စိတ်ထဲတွင် တောက်လျှောက်Facebook  ကိုသာ တွေးနေသည်။ နောက်ထပ် ဘယ်သူတွေက ဘာတွေရေးမလဲ၊ ငါအစထောင်ထားတာကို ဘယ်သူတွေက လှောင်ထားမလဲ စသည့်အတွေးများသာ ဝင်နေသည်။ ကိုယ့် Wall ပေါ်တွင် ဘယ်သူတွေ ဘာလာရေးထားမည်ကို စိတ်ဝင်စားသည်။
- Facebook  ကို လက်တွေ့ဘဝက လွတ်မြောက်ချင်သည့်အတွက် အသုံးပြုသည်။ အပြင်တွင် နေထိုင်ရသည့် လက်တွေ့ဘဝထက် Facebook ကိုသာယာသည်။ Facebook ထဲက လူတွေကို ပြင်ပကလူတွေထက်ပိုပြီး အလေးထားသည်။
- အမှန်တကယ်ရှိသော လူမှုရေးဘဝကို စိတ်မဝင်စား။ သာရေးလည်းမရှိ၊ နာရေးလည်းမသိ။ မိတ်ဆွေ အပေါင်းအသင်းများကို ပြင်ပတွင် ရှာဖွေခြင်းထက် Facebook ပေါ်တွင်သာ ရှာတော့သည်။ အင်တာနက်အပါးက တစ်ဖဝါးပင် မခွာချင်။ လူမှုဘဝတွင် လူအချင်းချင်း ပေါင်းသင်းဆက်ဆံရေး ဆိုသည်မှာ စိတ်ကျန်းမာရေး သဘောလည်း ဆောင်သည်။ သို့သော် Facebook ထဲက သူငယ်ချင်းတွေကို အစစ်အမှန် ထင်သွားသည်။
- အထိုင်များသဖြင့် အညောင်းထိုင်ကာ မကျန်းမာချင် ဖြစ်လာသည်။ မျက်စိတွေလည်း မှုန်ဝါးလာသည်။ ကျန်းမာရေးနှင့် Facebook သုံးစွဲခြင်းက တစ်နည်းနည်း ပတ်သက်လာသည်။ အအိပ်ပျက်၊ အစားပျက် များလာသည်။ ကွန်ပျူတာရှေ့တွင် အချိန်ကုန်ရခြင်း၊ Facebook ထဲတွင် ဝင်စားနေရခြင်းကပင် မကျန်းမာသလိုလို ဖြစ်လာသည်။
အထက်ပါ ယူဆချက်များကို ဖြေကြည့်စေချင်သည်။ ထိုယူဆချက်များအတိုင်း အမှန်တကယ် ကိုယ်တိုင်ခံစားနေရပါက ရောဂါစွဲနေသည်မှာ သေချာသွားပြီ ဖြစ်သည်။
မစ်ချီဂန်တက္ကသိုလ်မှ အီသန်ကရော့စ်နှင့် ဘယ်လ်ဂျီယံနိုင်ငံ လူဗန်းတက္ကသိုလ်မှ ဖိလစ်ပီဗာဒူးန် တို့ကပူးပေါင်းပြီး လေ့လာမှုတစ်ခု ပြုလုပ်ခဲ့သည်။ သူတို့က Facebook ကို အသုံးများလေလေ လက်ရှိနေထိုင်ရသည့် မိမိဘဝကို ကျေနပ်နှစ်သက်မှု နည်းလေလေ ဖြစ်ကြောင်း ဖော်ထုတ်တင်ပြခဲ့သည်။
ယခင်စုံစမ်းစစ်ဆေးချက်များအရ Facebook ကို သုံးခြင်းကြောင့် မနာလို ဝန်တိုစိတ်များခြင်း၊ လူမှုရေး ဆိုင်ရာ စိတ်ကျဉ်းကျပ်မှုများခြင်း၊ အထီးကျန်စွာ နေထိုင်လိုခြင်းနှင့် စိတ်ကျဝေဒနာများ ခံစားရခြင်း တို့လောက်ကိုသာ သတိထားမိကြသည်။ ယင်းဝေဒနာများသည် အခိုက်အတန့်ဖြစ်သော ယာယီ စိတ်ဝေဒနာများ ဖြစ်သည်။ ဒေါက်တာကရော့စ်နှင့် ဒေါက်တာဗန်ဒူးန်တို့က Facebook ကို အသုံးပြုသည့် အချိန်ကိုလည်း ထည့်တွက်ပြီး ထိုဝေဒနာ ခံစားရမှုသည် အချိန်ကာလမည်မျှ အသုံးပြုခြင်းနှင့် ဆိုင်ကြောင်းကိုလည်း လေ့လာသုံးသပ်ခဲ့ကြသည်။ စိတ်ခံစားမှု အတိုင်းအတာသည် မည်သည့်အချိန်တွင် ပြောင်းလဲတတ်သနည်းကိုလည်း သူတို့ လေ့လာခဲ့ကြသည်။
သူတို့စစ်ဆေးစမ်းသပ်မှုတွင် Facebook သုံးစွဲသူ ၈၂ ဦးကို လေ့လာစစ်ဆေးခဲ့ကြသည်။ ထို ၈၂ ဦးစလုံး အသက် ၂၀ ဝန်းကျင်များ ဖြစ်ကြသည်။ သူတို့ကိုယ်တိုင် နှစ်ပတ်ကြာ စမ်းသပ်စစ်ဆေးမှုကို လက်ခံခဲ့ကြခြင်း ဖြစ်သည်။ ရလဒ်ကတော့ရှင်းသည် Facebook သုံးစွဲလွန်သူများသည် အဆိုးမြင်စိတ် ဝေဒနာကို တစ်နည်းနည်းဖြင့် ခံစားနေရသူများဆိုသည့် အဖြေသာ ထွက်ပေါ်လာခဲ့သည်။
“Facebook ကို စိတ်ဝင်စားနေသူတွေ အများကြီး ဖြစ်လာတယ်။ ဘာကြောင့်လဲဆိုတော့ လူသုံးများ လာတာကြောင့်လည်း ပါတယ်။ နေ့စဉ်ပုံမှန် သုံးနေသူတွေက သန်း ၅၀၀ ကျော်လောက်ရှိတယ်။ ဒါကို လေ့လာဆန်းစစ်ဖို့ လိုပြီထင်ပါတယ်” ဟု သုတေသနအဖွဲ့တွင် ပူးပေါင်းပါဝင်သူ အီသန်ကဆိုသည်။
 
မနာလိုမှု
Facebook နှင့် ပတ်သက်ပြီး အခြားသတိပြုစရာ ကိစ္စတစ်ရပ်မှာ မနာလိုစိတ်များ ဝင်စေခြင်း ဖြစ်သည်။ ထိုစိတ်သည် အပျက်သဘောဆောင်သည့် စိတ်မျိုးဖြစ်သည်။ ကိုယ့်ကိုယ်ကိုယ် အထင်ကြီးလေးစားစိတ်များ လျော့နည်းလာတတ်ခြင်း များသည် ယင်းမနာလိုစိတ်တွင် အခြေခံနေသည်။ ဥပမာ - မိသားစုမရှိ စိတ်ဓာတ်ကျနေသည့် လူတစ်ယောက်အတွက် မိသားစုများနှင့် ပျော်ရွှင်စွာ အပန်းဖြေခရီး ထွက်နေသည့် ပုံများသည် စိတ်အားငယ်စရာ ဖြစ်စေနိုင်သည်။ အခြား အားငယ်စရာများတွင် မလှသူက လှပသူ၏ ပုံကိုကြည့်ပြီး စိတ်ပျက်သွားနိုင်သည်။ ဂျာမန် တက္ကသိုလ်ကျောင်းသား သုံးဦးတွင် နှစ်ဦးသည် Facebook ကိုရောက်ပြီးမှ မိမိဘဝကို မကျေနပ်မှုများ ပိုပြီးတိုးတက်လာပြီး Utah Valley တက္ကသိုလ်တွင်လည်း အလားတူ စိတ်အားငယ်မှုများကို Facebook အချိန်များစွာ အသုံးပြုသူများတွင် တွေ့ရကြောင်း Huffington Post သတင်းတွင် ရေးသားထားသည်။
 
Facebook ၏ ပြောင်းလဲတိုးတက်မှုကို သုံးသပ်ခြင်း
မည်သို့ဆိုစေ Facebook သည် အရှိန်အဟုန်နှင့် အောင်မြင်နေသော လူမှုရေးကွန်ရက်ကြီးတစ်ခုဟု ဆိုရမည်သာ ဖြစ်သည်။ ၂၀၀၄ ခုနှစ် ဖေဖော်ဝါရီလတွင် မာ့ခ်ဇူကာဘတ်ဆိုသည့် လူငယ်လေးတစ်ဦးက အခြေပြုလိုက်သည့် ထို Website သည် ယနေ့သုံးစွဲသူပေါင်း သန်း ၁၁၀၀ ခန့် ရှိလာလိမ့်မည်ဟု ထင်နိုင်စရာ အကြောင်းမရှိပေ။ ပထမဦးဆုံး ကျောင်းသားအချင်းချင်း ဆက်သွယ်အသုံးပြုနိုင်ရန် တီထွင်ခဲ့ရာမှ တစ်ကမ္ဘာလုံးရှိ လူပေါင်းစုံသုံးသည့် အဆင့်သို့ ရောက်သွားခဲ့ရသည်။
၂၀၁၂ ခုနှစ်စာရင်းအရ Facebook သုံးစွဲသူပေါင်း သန်း ၁၀၀၀ တွင် ၈ ဒသမ ၇ ရာခိုင်နှုန်းသည် Account တုများဖြင့် သုံးစွဲနေကြသူများ ဖြစ်သည်။ ၂၀၁၁ ခုနှစ်မေလ Consumer Reports အရ အသက် ၁၃ နှစ်အောက် သုံးစွဲသူပေါင်း ၇ ဒသမ ၅ သန်းရှိပြီး၊ အသက် ၁၀ နှစ်အောက် သုံးစွဲသူပေါင်း ၅ သန်းရှိသည်။
Facebook ကို အများပိုင်ကုမ္ပဏီတစ်ခု အဖြစ် ပြောင်းပြီးနောက် ၂၀၁၂ ခုနှစ် မေလ ၁၈ ရက်နေ့တွင် စတော့ရှယ်ယာများ စတင်ရောင်းခဲ့သည်။ ၂၀၁၂ ခုနှစ်တွင် Facebook ၏ဝင်ငွေ စုစုပေါင်းသည် အမေရိကန်ဒေါ်လာ ၅ ဒသမ ၁ ဘီလီယံ ဖြစ်သည်။
မိုဘိုင်းလ်ဖုန်းများ ခေတ်စားလာသည့် အခါတွင်လည်း ၂၀၁၃ ခုနှစ်တွင် Facebook ကို မိုဘိုင်းလ်ဖုန်းဖြင့် အသုံးပြုသူပေါင်းမှာ ၆၀၄ သန်းခန့် ဖြစ်ကြောင်း ဇန်နဝါရီလထုတ် Tech Crunch တွင် ဖော်ပြထားသည်။
မည်သို့ဆိုစေ လူမှုဘဝတွင် ထွက်ပေါက်တစ်ခုခုကို ရှာနေကြသူတိုင်းသည် Facebook ကို သုံးကြမည် သာဖြစ်သည်။ မျက်မှောက်ခေတ်တွင် Facebook ပေါ်၌ ဟုတ်တာတွေလည်း ရှိသည်၊ မဟုတ်တာတွေလည်း ရှိသည်။ မှန်တာလည်း ရှိသလို၊ မမှန်တာတွေလည်း ရှိနိုင်သည်။ အမှန်၊ အမှား၊ အကောင်း၊ အဆိုး ဆိုသည်မှာ ကိုယ်ပိုင်ဆုံးဖြတ် သုံးသပ်နိုင်ချက်နှင့် ဆိုင်မည်ထင်သည်။ ယနေ့အထိ ဘီလီယံချီပြီး ပရိသတ်ရှိနေခြင်းက အဆိုးဘက်ကဲပြီး၊ မကောင်းသောကြောင့်ဟု ပြော၍ မရနိုင်သည့် အနေအထား ဖြစ်သည်။
Facebook သုံးခြင်းသည် ကိုယ်ရေးကိုယ်တာ လွတ်လပ်ခွင့်များ၊ လုံခြုံမှုများ အာမခံချက် တစ်စက်မျှ မရှိဟုဆိုစေ ကိုယ့်အကြောင်းကို ဖော်ထုတ်ပြီး ပျော်ရွှင်စွာ သုံးနေကြသည်သာ ဖြစ်သည်။ လူတို့၏ မွန်းကြပ် ပိတ်လှောင်မှုကို တစ်ခုခု ဖောက်ထုတ်ပေးနိုင်နေခြင်းက Facebook ၏ အောင်မြင်နေရခြင်းတစ်ခု ဖြစ်နေသည်။ အကယ်၍ လူတို့တွင် မွန်းကြပ်စရာ အကြောင်းအရာများ မရှိ၊ ဘဝအမောတွေ မရှိလျှင်လည်း အခြားအသွင်တစ်မျိုးဖြင့် Facebook သည် ရောက်လာဦးမည်သာ ဖြစ်သည်။ အမှန်တော့ Facebook ကို ‘ထွက်ပေါက်’ ဆိုလျှင်ပင်...

The Voice Weekly, Vol.9, No.35

မောက္ခ မဂ္ဂဇင်း မှ ကူးယူမျှဝေသည် 

ကျနော် သည် Facebook ကိုအလွန်မုန်းသူဆိုတာ အင်မတန်ရင်းသော မိတ်ဆွေများသိပါသည် ဘာကြောင့် Facebook ကိုသုံးနေလဲဟု မေးရင် ဖြေစရာ နှစ်ချက်သာ ရှိပါသည် တစ်ချက်က ကျနော်ရေးနေသာ မြန်မာတို့အတွက် ဗဟုသုတ ဆိုဒ်လေးကို လူတွေကို သိအောင်မျှဝေခြင်လို့ဖြစ်ပြီး နောက်တစ်ချက်ကတော့ ကျနော် Blogေ၇းနည်းသင်ပေးနေသော ကျနော်ချစ်ညီမလေး ကို အနည်းကပ် တိုးတက်အောင် စောင့်ရှောက်လိုသောကြောင့်ဖြစ်ပါသည်။ ကျနော် Facebook သုံးသောသက်တမ်းမှာ ၅ လဝန်းကျင်ပင် မပြည့်သေးခင် ဒီဆောင်းပါးကို ဖတ်မိ၍ မျှဝေပေးခြင်းဖြစ်ပါသည်။ ကျနော် ၉ နှစ်ကျော် ၁၀ နည်းပါးသုံးထားသော ကျနော် Gmail အကောင့်နှင့် Facebook အကောင့်မဖွင့်ပါ။ ကျနော် သုံးနေသော ဖုန်းနံပါကို သုံးမပြုပါ Facebook သည်ေ၇ာဂါသစ် တစ်ခုဖြစ်လာပါပြီ။